ரோபோட் தயாரிக்கும் கூகுள் நிறுவனம்

கூகுள் நிறுவனம் நவீன தொழில்நுட்பங்களுடன் புதிய தலைமுறை ரோபோட்களை தயாரிப்பதாக தெரிவித்துள்ளது. இது சாதாரண பயனர்களுக்கான ரோபோட்கள் இல்லை. மாறாக உற்பத்தியில் ஈடுபடும் பெரிய நிறுவனங்களுக்காக உருவாக்கப்படுகிறது.
தற்போது கூகுள் ரோபாட் தயாரிப்பில் தலைமை வகிப்பது ஆன்டி ரூபின் (Andy Rubin). இவர் ஆண்ட்ராய்ட் நிறுவனத்தை உருவாக்கியவர்களில் ஒருவர் ஆவார். ஆண்ட்ராய்ட் நிறுவனத்தை கூகுள் வாங்கிய பிறகு ஆண்ட்ராய்ட் பிரிவுக்கு தலைமை வகித்து வந்தார்.
மேலும் இந்த ரோபோட் தயாரிப்பு முழுமையடைய பத்தாண்டுகள் ஆகும் என்றும், அமெரிக்கா, ஜப்பான் நாடுகளில் ஏழு ரோபாட் தொழில்நுட்ப நிறுவனங்களை விலைக்கு வாங்கியுள்ளதாகவும் தெரிவித்தார்.